返回粤语学习网首页 粤讲粤精彩第一集 第二集 第三集 第四集
粤讲粤精彩第一集(摘录自粤语协会)www.cantonese.org.cn

第一集 開篇

  好多網友就反映粵語協會網站教程文檔就大把,語音教程就一個都冇,係咪嘥料啲呀?
   好嘞而家眾望所歸 嘞,我哋終於決定推出呢套語音節目,節目嘅內容梗係圍繞網站啦。可以攞四句話嚟形容嘅,噉就係:知音識字,咬文嚼字;嶺南文化,乜都講吓。顧名思義,知音 識字就係一啲比較簡單嘅字啊,音啊,語法方面嘅內容啦;咬文嚼字就係正音、正字、本字呢啲比較深層次嘅討論;嶺南文化主要講吓廣東嘅歷史同埋一啲坊間嘅趣 聞;至於乜都講吓,就即係除咗頭先嗰啲內容,同粵語其他相關嘅其他嘢都可以講啦。
   噉介紹完粵講粵精彩嘅節目,下面首先以一首詩作為第一集嘅開 篇。呢首詩就係《蜀相》,係唐代詩人杜甫寫嘅,佢係描寫三國時期蜀國嘅丞相諸葛亮嘅。下面聽我朗誦吓:丞相祠堂何處尋,錦官城外柏森森。映階碧草自春色, 隔葉黃鸝空好音。三顧頻煩天下計,兩朝開濟老臣心。出師未捷身先死,長使英雄淚滿襟。
   好明顯喺粵語裏面呢首詩係押「林、森」韻嘅,即係「am」韻。但喺普通話裏邊呢,佢係有三個尾音嘅喎,分別係:un,en同埋in,根本就唔押韻嘅,又點體現到詩嘅押韻之味呢?所以話粵語係幾咁古雅呢!

-----------------------------------------------------

  附普通話譯文:

  不少網友反映粵語協會網站教程文檔很多,語音教程卻一個都沒有,是否有點浪費了?
   好了現在眾望所歸 了,我們終於決定推出這套語音節目,節目的內容當然是圍繞網站啦。可以拿四句話來形容的,那就是:知音識字,咬文嚼字;嶺南文化,樣樣講下。顧名思義,知 音識字就是一些比較簡單的字啊,音啊,語法方面的內容啦;咬文嚼字就是正音、正字、本字這些比較深層次的討論;嶺南文化主要講一下廣東的歷史和一些坊間的 趣聞;至於樣樣講下,也就是除了剛才那些內容,與粵語其他相關的其他東西都可以講。
   那介紹完粵講粵精彩的節目,下面首先以一首詩作為第一集的 開篇。這首詩就是《蜀相》,是唐代詩人杜甫寫的,他是描寫三國時期蜀國的丞相諸葛亮的。下面聽我朗誦一下:丞相祠堂何處尋,錦官城外柏森森。映階碧草自春 色,隔葉黃鸝空好音。三顧頻煩天下計,兩朝開濟老臣心。出師未捷身先死,長使英雄淚滿襟。
   好明顯在粵語裏這首詩是押「林、森」韻的,也就是「am」韻。但在普通話裏,它卻有三個尾音,分別是:un,en和in,根本就不押韻的,又怎能體現詩的押韻之味呢?所以說粵語是多麼的古雅!